|
HUIDIGE NUUSBRIEF::
Februarie 2008:
Liewe gemeente
Dit is wonderlik om te lewe. Die nuwe
jaar het pas begin en mens vergeet
alreeds dat jy vakansie gehad het. 'n
Mens moet leer om dinge in jou lewe te
geniet terwyl die geleentheid daar is. Baie
keer is alles so gejaag en jy besef nie dat
daar dalk nooit weer so kans kom nie. 'n
Klompie jare gelede het 'n groep van ons
die Walvisroete gestap. Toe ons daar is
het van ons die tyd so omgewens. Ons
kon nie wag om net klaar te loop nie. Nou
probeer ons weer plek kry om daar te
gaan stap, maar dis jare vooruit vol
bespreek. Ek moes dit meer geniet het toe
ek daar was.
Dit bring my by ons lewe vandag, nou en
hier. Elspark beleef 'n blomtyd. Dit gaan
uitstekend goed in die gemeente. Ons
nuwe stigting in Lambton geniet God se
guns. Oor jare vorentoe gaan ons
terugkyk en praat van die "goeie ou jare".
Kom ons geniet dit nou. Dalk gaan daar
gesê word: Onthou jy die tyd toe petrol
maar R7 per liter was.
Ons moet ons lewe geniet. Daarmee
bedoel ek nie dat dit sondig moet wees
nie. Moet tog net nie jou lewe omwens
nie.
Ons kyk na die toekoms en wens na
dinge. Ons wens na die komende vakansie,
mooi dinge in die toekoms, ons drome.
Intussen gaan die lewe by ons verby.
Kom ons leef vir nou!!
God is in beheer.
Liefde
Eric
|
2008:
Christensentrum Elspark begin 'n
nuwe gemeente in Lambton, Germiston.
Die eerste diens het op 13 Januarie plaasgevind.
|
2007:
Dr. Isak Burger besoek Christensentrum Elspark op 7
November 2007.
. . . . . . . . . . . . . . . . . . . . . .
Mannekamp terugvoer
5 Oktober
Francois Erasmus (regs):
"Dit was opbouend en ek het 'n wonderlike ervaring beleef die tyd
wat ons in die veld deurgebring het. Dankie vir die profetiese woord,
dit het vir my baie beteken. Die hele naweek was 'n fees - daar is
regtig niks wat ek kan uitsonder nie."
. . . . . . . . . . . . . . . . . . . . . . .
Potjiekoskoning vir 2007!
Leon
Botha (links) wen die Potjie-trofee vir 2007. By hom is Pastoor Eric Meintjes.
|
